Guðmundur Birkir Agnarsson sjómælingamaður hjá Gæslunni: Djúp lægð gekk yfir landið í vikunni. Forvitnast um hvernig sjávarstöður, djúpar lægðir og áhlaðandi virkar hvaða afleiðingar þetta hefur og hvar þá helst. Björn Berg Gunnarsson Íslandsbanka: Þær fréttir bárust á dögunum að markaðsvirði tæknifyrirtækisins Apple hefði rofið þriggja trilljóna dollara múrinn - þá er átt við það sem Bandaríkjamenn kalla trilljón, en við hér köllum billjón. Þetta jafngildir hátt í 400.000 milljörðum króna. Vöxtur fyrirtækisins hefur verið gríðarlegur á mjög stuttum tíma, enda fór virðið yfir tvær trilljónir í ágúst 2020. Við reynum að setja þetta í samhengi með Birni Berg. Málfarsmínúta Lísabet Guðmundsdóttir fornleifafræðingur: Óveður hefur margvíslegar afleiðingar, og eðlilegt að ýmsar starstéttir séu veðurhræddari en aðrar - eins og til dæmis sjómenn. En vitið þið hvaða starfsstétt er líka rosaleg veðurhrædd? Það eru fornleifafræðingar. Og þau eru ekki að hugsa um sjálfa sig. Nei þau eru að spá í öllum minjastöðunum sem skemmast þegar veður eru vond. Við ætlum í lok þáttar að setjast niður með fornelifafræðingi og ræða þetta, hvaða staðir eru í hættu vegna veðurs - og hvað fornminjar hafa nú þegar glatast í einhverri lægðinni.
↧