VIlborg Halldórsdóttir, varaformaður félags lyfjafræðinga og lyfsali: Við höfðum fregnir af því að fólk væri að fara í apótek til að kaupa joð. Já joð - og ástæðan er kjarnorkuvopnaótti - sem vissulega og eðlilega hefur aukist mjög í átökunum í Úkraníu og hótunum Rússa. Joð kemur í veg fyrir að skjaldkirtill fólks safni í sig geislavirku efni. Rætt við lyfsala um málið. Hörður G. Kristinsson, doktor í matvælalífefnafræði: Miklar breytingar eru að verða í matvælaframleiðslu í heiminum og ýmsar áskoranir sem þarf að mæta. Þar má nefna loftslagsbreytingar, mikla fólksfjölgun og tækniframfarir. Þetta mun allt meðal annars birtast í aukinni sjálfvirkni. Anna Hulda Ólafsdóttir, forstöðumann loftlagsþjónustu og aðlögunnar hjá Veðurstofunni: Hvernig er hægt að aðlagast þeim breytingum sem hafa nú þegar orðið af völdum loftlagsbreytinga? Ótalmörg samfélög um heim allan búa við slík aftakaveður að þau þurfa hreinlega að breyta því hvernig þau lifa og komast af - ímyndum okkur bara ef rauðar veðurviðvaranir væru stanslausar hér hjá okkur - við ætlum að rýna í nýútkomna skýrslu frá Samneinuðu þjóðunum um loftlagsbreytingar og viðbrögð samfélaga við þeim. Málfarsmínúta Helga Lára Þorsteinsdóttir safnstjóri RÚV kom með 65 ára gamalt útvarpsinnslag um bolludaginn.
↧