Arnar Gíslason jafnréttisfulltrúi HÍ: Jafnréttisdagar standa nú yfir í öllum háskólum landsins. Arnar ræðir um viðfangsefni jafnréttisdaganna og hvaða áhrif þeir hafa. Elín Þorgeirsdóttir hönnuður: Halla Harðardóttir ræðir við Elínu um starf hennar og Sonju Bent en þær hafa eimað angan úr íslenskri náttúru og safnað saman í ilmbanka. Friðrik Páll: „Samningur aldarinnar“, eins og Trump Bandaríkjaforseti kallar hann, var kynntur í Washington í síðustu viku, og er ætlað að leysa deilur Ísraelsmanna og Palestínumanna. Ísraelsstjórn fær flestar óskir sínar uppfylltar, en Palestínumenn fæstar ef nokkrar. Ísraelsmenn geta nú með samþykki og stuðningi Bandaríkjaforseta innlimað stóran hluta Vesturbakkans í andstöðu við alþjóðalög.![]()
↧